Эл аралык ишкерлер кеңешинин аткаруучу директору Аскар Сыдыков «Клоопко» маек куруп, учурда өлкөбүздө ишкерлердин абалы тууралуу жана эмне үчүн ири инвесторлор Кыргызстанга келбегенин айтып берди. Мындан сырткары ал бизнес тармагын туура жолго коюу үчүн өкмөт тарабынан кандай маселелерге көңүл бөлүнүшү зарыл деген суроого жооп берди.

Бизнеске жагымдуу чөйрө керек, аны түзүү үчүн коомдук институттар негизги ролду ойнойт. Эл аралык ишкердик кеңеш – ишкер чөйрөнүн кызыкчылыктарын коргоп калууда жана туруктуу кармоодо мелдешсиз лидер. Муну менен бизнес-ассоциация Кыргызстандын экономикасынын өнүгүүсүнө эбегейсиз салым кошот.

Ооба, коронавирус да себеп. Бирок түз инвестициялардын келишине башка да факторлор таасир этип жатат. Анын ичинде жалпы саясий-экономикалык кырдаал, алгылыктуу реформалардын жетишпестиги, бизнести жүргүзүү боюнча рейтингде жылыштын жоктугу да себеп.

Салыктык жүктѳмдү кыска мѳѳнѳттүү жогорулатууну эмес салыктык базаны кѳбѳйтүүнү, б.а. жаӊы инвесторду тартуу жана иштеп жаткандарга жагымдуу шарттарды тузүүнү приоритет берүү керек

Аскар Сыдыков укук коргоо жана фискалдык органдар коррупцияга каршы күрөшүү боюнча бирдиктүү депозитти жарыша толтуруп жатканын, бирок ал каражаттын көбү каяктан алынганы белгисиз экенин айтты.