Жаңылыктар / ЭИК Мүчөлөрдүн Жаңылыктары /
FINCA Банктан балдар үчүн Жаңы жылдык майрам

30 декабрь 2016

FINCA Банктын бардык филиалдарында 2016-жылдын 17-декабрынан 30-декабрына чейин жаңы жылдык балаты оюндары болуп өттү. Өлкөнүн бардык аймагындагы FINCA Банктын кардарларынын 5 жаштан 10 жашка чейинки 1100дөн ашык баласы Аяз ата, Аяз кыз, клоундар жана фокусчулар менен Жаңы жылдык балаты оюндарына катышты.

Банктын Башкы жана 24 филиалынын кеңсесинде атайын кичинекей меймандар үчүн оюн-зоок программалар уюштурулган. Анда ар бир бала кызыктуу конкурстарга жана оюндарга күбө болду. Кооз жасалгаланган иш чаралар балдарды да, алардын ата-энелерин да кайдыгер калтырган жок. FINCA Банктын кызматкерлери да балдарды куттукташты, ал эми ар бир оюн-зооктон кийин балдарга Аяз ата таттуу белектерди берди. Бардык кичинекей көрүүчүлөр чоң кубанычка бөлөнүшүтү.

FINCA Банк бардык кыргызстандыктарды 2017-Жаңы жылы менен куттуктап, бекем ден-соолук, ийгилик, олуттуу жетишкендиктерди жана алдыга койгон ой-максаттардын орундалышын каалайт! Жаңы жыл ар бир адамга жылуу сезимдерди жана көптөгөн жаңы мүмкүнчүлүктөрдү тартууласын!

FINCA Банктын долбоорлору, продуктулары жана кызматтары жөнүндө толук маалымат www.FINCA.kg сайтында жайгашкан.